Fel rhan o'r arolwg hwn, gall fod angen eich cyfeiriad e-bost chi arnom am ambell i reswm:

• os oes angen ichi gysylltu â ni ynghylch diwygio neu ddileu'ch ymateb - yr unig ffordd inni wirio mai'ch ymateb chi yw ef yw drwy'ch cyfeiriad e-bost
• os nad oedd gennych amser i gwblhau'r arolwg, gallwn eich atgoffa drwy e-bost cyn iddo gau.

Os ydych yn ymateb ar ran eich sefydliad, rhowch eich cyfeiriad e-bost sefydliadol. Ni fydd eich cyfeiriad e-bost yn cael ei rannu ag unrhyw un y tu allan i'r adran.

Yn ystod streic, mae cyflogwyr yn negodi gydag undebau llafur i geisio cytundeb i ddarparu lefel benodol o ddirprwyaeth ar gyfer gwasanaethau iechyd â blaenoriaeth er mwyn diogelu bywyd ac iechyd. Mae’r cytundebau hyn, a elwir yn ‘rhanddirymiadau’, yn golygu bod rhai aelodau neu grwpiau o staff wedi eu heithrio rhag streicio er mwyn darparu’r ddirprwyaeth sydd ei hangen i ofalu am gleifion sydd mewn perygl o niwed. Mae rhanddirymiadau yn gwbl ddibynnol ar ewyllys da gan yr undebau a’r staff. Yn ystod rhai streiciau, cytunwyd ar randdirymiadau mewn da bryd, ond mewn eraill, ni wnaeth yr undebau gytuno arnynt tan yn hwyr iawn neu ni wnaethant gytuno arnynt cyn i’r streic ddechrau, a effeithiodd yn enwedig ar wasanaethau ysbyty.

Rydym yn cynnig cyflwyno lefelau gwasanaeth gofynnol fel mesur ychwanegol i sicrhau bod pobl yn gallu parhau i ddefnyddio gwasanaethau hanfodol yn ystod streic. Y cynnig yw y bydd ysbytai yn trin pobl, sydd angen triniaeth frys yn yr ysbyty yn ystod y cyfnod gweithredu diwydiannol a phobl sy’n derbyn gofal ysbyty ac nad ydynt eto’n ddigon da neu’n gallu cael eu rhyddhau, fel y byddent ar ddiwrnod pan nad oes streic. 

Rydym yn cynnig y bydd ysbytai yn trin pobl, sydd angen triniaeth frys yn yr ysbyty yn ystod y cyfnod gweithredu diwydiannol, a phobl sy’n derbyn gofal ysbyty ac nad ydynt eto’n ddigon da neu’n gallu cael eu rhyddhau, fel y byddent ar ddiwrnod pan nad oes streic. Felly, dylai’r lefel gwasanaeth gofynnol sydd ei hangen i sicrhau bod y driniaeth hon yn cael ei darparu i gleifion mewn ysbytai yn ystod streiciau gael eu llywio gan farn glinigol arbenigol, sy’n golygu y gallai’r setiau canlynol o gleifion ddisgwyl cael eu trin fel y byddent ar ddiwrnod pan nad oes streic:

• cleifion mewnol sydd eisoes yn derbyn gofal ysbyty
• cleifion presennol y mae angen triniaeth dewisol brys arnynt a fyddai’n arfer yn cael ei chyflawni yn ystod y cyfnod gweithredu diwydiannol (er enghraifft: pobl sydd ar restrau llawdriniaeth ddewisol blaenoriaeth 1 neu flaenoriaeth 2 (llawdriniaeth sydd ei hangen o fewn 72 awr ar gyfer blaenoriaeth 1, neu 4 wythnos ar gyfer blaenoriaeth 2), pobl sydd angen dialysis, cleifion trawsblaniad pan nodir cydweddiad â darpar roddwr, toriad cesaraidd dewisol neu gychwyn yr esgor)
• cleifion presennol y bydd neu efallai y bydd angen asesiad brys neu gritigol, diagnosteg neu driniaeth yn yr ysbyty arnynt (er enghraifft diagnosteg a thriniaeth canser neu gardiaidd, ond nid er enghraifft triniaeth arferol i osod pen-glin neu glun newydd)
• cleifion newydd sy’n ymgyflwyno i’r ysbyty fel cleifion y mae arnynt angen asesiad, diagnosteg a/neu driniaeth heb eu cynllunio yn yr ysbyty, (er enghraifft pobl sy’n ymgyflwyno i’r adran frys, pobl sy’n esgor) 

Mae ysbytai’r GIG ym Mhrydain Fawr yn cael eu gweithredu gan ymddiriedolaethau’r GIG neu fyrddau iechyd, a gaiff is-gontractio rhywfaint o’u gwaith i sefydliadau eraill. Gallai hyn gynnwys gwasanaethau glanhau neu wasanaethau cymorth eraill sy’n cael eu contractio i gwmni preifat; darparwyr trydydd sector, megis mentrau cymdeithasol neu elusennau, yn darparu rhai gwasanaethau; neu sefydliadau eraill y GIG yn darparu gwasanaethau sy’n cefnogi triniaethau ysbyty, gan gynnwys gwasanaethau gwaed a thrawsblannu sy’n hwyluso triniaethau y mae angen platennau gwaed neu organau rhoddedig arnynt. 

Mae hyn yn golygu efallai na fydd ymddiriedolaethau’r GIG neu fyrddau iechyd yn defnyddio’r holl staff sy’n ymwneud â chyflawni gofal hanfodol a ddarperir gan ysbytai. Wrth ysgrifennu rheoliadau’r lefel gwasanaeth gofynnol, gallai’r Ysgrifennydd Gwladol nodi’r math o sefydliadau y mae’r lefel gwasanaeth gofynnol yn berthnasol iddynt. Gallai hyn gyfyngu ar y mathau o gyflogwyr sy’n gallu rhoi hysbysiad gwaith i sicrhau parhad gwasanaethau ysbyty hanfodol yn ystod streic. 

Rydym yn cynnig cyflwyno lefel gwasanaeth gofynnol na fyddai’n berthnasol ond i ofal ysbyty. Ni fyddai’r mesur hwn yn cynnwys gwasanaethau iechyd sydd ar gael yn y gymuned megis fferyllfeydd, meddygfeydd na thimau iechyd cymunedol.  

Oherwydd eich bod wedi dweud eich bod wedi eich cyflogi fel aelod o staff yn ystod cyfnod o streicio, mae’r cwestiwn hwn yn gofyn i chi sut yr effeithiodd gweithredu diwydiannol yn y GIG ar bobl yr oeddech yn gofalu amdanynt yn y gwaith. 

Mae’r cwestiynau canlynol yn gofyn am safbwyntiau eich sefydliad ar effaith streiciau ysbyty ers mis Rhagfyr 2022 ar iechyd cleifion. 

Mae’r cyfleuster ‘darllen dros eich atebion’ yn rhestru’r holl gwestiynau yr ydych wedi’u hateb neu yr ydych wedi cael cyfle i’w hateb.

Bydd clicio ar y botwm ‘Newid’ yn erbyn ateb yn caniatáu i chi newid yr ateb hwnnw.

Ar ôl gwneud unrhyw newidiadau gwllch wedyn glicio drwy’r arolwg gan ddefnyddio’r botwm ‘Nesaf’, bydd atebion i gwestiynau blaenorol yn cael eu cadw.

Mae gennym ychydig o gwestiynau yr hoofed eu gofyn er mwyn gwella ymgyngoriadau yn y dyfodol.